Öd kisəsi və mədəaltı vəzi müalicəsi

Öd kisəsi və mədəaltı vəzi müalicəsi

Müalicə öd və öd yollarının təmizlənməsindən başlanılmalıdır. Əsasən müalicə simptomatik olub, xəstəni narahat edən əlamətlər aradan qaldırılır. Sonra isə cərrahi yolla müalicə edilir. Belə xəstələr daim pəhrizə fikir verməlidirlər. Çox qıcıqlandırıcı, ədviyyatlı, kəskin, duzlu, acı, yağlı qidalar azaldılmalıdır.

Mədəaltı vəzi və öd kisəsi xəstəliklərinin 10 haldan 8-ində səbəb öd daşları və spirtli içkidir. Digər səbəblərə az rast gəlinir. Adətən ağrını aradan götürmək üçün ağrıkəsicilər inyeksiya olunur.

• ● Daha yaxşı olar ki, mədə və bağırsaqlar boş saxlansın. Beləliklə qida və maye qəbulu dayandırılmalıdır. Mədə möhtəviyyatını xaric etmək üçün zond burundan da salına bilər (nazoqastral zond). Qusmanın qarşısını almaq da bura aiddir.
• ● Simptomlar sönənə qədər venadaxili infuziya, yəni xüsusi məhlulların yeridilməsi aparılır.
• ● İltihabı aradan qaldırmaq üçün heç bir müalicə yoxdur. Bir çox hallarda pankreatit simptomları bir neçə günə sönür. Çox az hallarda ağırlaşmalar inkişaf edə bilər və vəziyyət ciddiləşə bilər. Sonra tətbiq oluna biləcək müalicələrə aşağıdakılar aiddir.
• ● Əgər səbəb öd daşıdırsa, pankreatit tutması sağaldıqdan sonra onu aradan götürmək lazımdır.
• ● Əgər pankreas və ətraf toxuma infeksiyaya yoluxubsa, antibiotiklərdən istifadə olunur.
• ● Bəzən infeksiyalaşmış və ya zədələnmiş toxumaları aradan götürmək üçün cərrahi üsuldan istifadə olunur.